Edi Rama: “Luli është Rrapushi me një pamje tjetër, që nuk vjen si shpëtimtar i vetëm, por me të njëjtën autokolonë. Me një ndryshim, autokolona e Rrapushit kishte makina të vjetra. Autokolona e Lulit kushton 4-5 milionë euro. Dhe ju e dini se ne na i kanë thënë patronazhistët. Se patronazhistëve nuk u shpëton asnjë gjë.
Ju e dini kush është brenda atyre makinave me xhama të zinj, që çojnë dhëndrin rrugëve të Shqipërisë. Janë ata që mezi presin që në 25 prillin që të hapin BINGO-t. Luli jetën e ka pasur fjollë, s’ka bërë një punë deri më sot dhe është ngjitur si ajo kukulla që e mbajnë me të mira. I keni parë kalamajtë ku i vënë kukullat te koka e krevatit, nuk i lënë rrugëve. E gjeti Saliu kukullën që t’ia nxjerri përpara edhe t’u thotë: Partia e Re Demokratike. Mirë Saliu, por u bashkua edhe krushku tjetër Iliri.
Luli njëherë bëhet batman dhe thotë do kërcen të çatia e kryeministrisë edhe do ta marrim pa zgjedhje sepse populli e ka vendosur, edhe i mblidhen spidermena-t që turren nëpër mure edhe lënë pas ndotjen e imazhit të Shqipërisë. Po ky batman bëhet barbi me flokë të zeza edhe shkon kudo edhe këndon ninullat e jetës së re që do vijë mjafton që ju t’ia jepni atë të shkretë votë”
