Shefi i Komisariatit në Sarandë, Syrja Bello është shkarkuar dhe është zëvendësuar në këtë detyrë nga Klodian Kondi.
Ky shkarkim vjen një ditë pas konferencës së Edi Ramës që zhvilloi me Policinë e Shtetit, aty ku kërkoi që të kishte ndryshime dhe rezultate.
Rama në fjalën e tij përmendi rastin e Sarandës, të cilën e cilësoi si alarmante. Kreu i qeverisë i dha drejtuesve të policisë 100 ditë kohë, për të realizuar të gjitha ndryshimet e kërkuara prej tij.
Rama dënoi rastin e sulmit me armë në bar “Orange”, ku tha se ka pronarë lokalesh që tërheqin prej hunde shefa komisariatesh, duke kërkuar që të shkarkohet zinxhiri komandues në Sarandë.
Marrë shkas nga ngjarjet e fundit kriminale të ndodhur në vend, më e fundit masakra me 4 viktima në Velipojë, Rama i dha 100 ditë kohë Policisë së Shtetit për të rivënë të gjithë trupën në angazhim maksimal.
