Kryeministri Rama nuk i ka lënë fjalë pa i thënë Bashës, lidhur me kërkesat e shumta që parashtroi në Kuvend. Por Rama jo vetëm e talli, por i bëri me dije se ai do të njohë veç humbje. Po kështu i ka kërkuar që të mos zbatojë urdhrat e Berishës, por të veprojë vetë.
“Unë të kam thënë vazhdimisht se ti e di që komunikojmë, se ti bën sikur s’komunikon. Qofte te daja nuk ka më. Zbrit në tokë, lëji historitë me protesta që do na shkulin e do na ngulin, e hajdeni të kontriboni për refomën zgjedhore dhe mblidhni rrypat për qershorin.
Në qershor jo që nuk do merrni asnjë nga Bashkitë, por do dorëzoni minimalisht Bashkinë e Kukësit, sepse do ta bëjmë aeroport me stadium, me shumëçka, që fatkeqësisht ju nuk e bëtë. Ju Kukësin e gjetët me flamur, dhe e latë me shkop”, përfundoi Rama.
