Kryeministri Edi Rama, në rrjetin e tij social “Facebook”, ka postuar foto nga operacioni i ndërmarrë nga Ministria e Mjedisit për pastrimin e territorit. Këtë të mërkurë grupi i kryesuar nga ministri Bleni Klosi ka qenë i pranishëm në qytetin e Shkodrës. Në foto shikohet që nismës i është bashkuar dhe kryebashkiakja e qytetit nga radhët e PD-së Voltana Ademi. Ndërsa vlen të kujtojmë, që të shpeshta kanë qenë akuzat e ndërmjet Ramës dhe kryebashkiakes së PD-së. Por, sot Rama mesa duket ka lënë mënjanë “mëritë”, dhe në fotot e postuara shikohet dhe kryebashkiakes në krah ministri Klosi.
Ndërsa Rama në “Facebook” shkruan: “Vijon operacioni kombëtar i pastrimit në të gjithë territorin e vendit. Gjatë kësaj ndërhyrjeje për pastrimin e zonave më të vizituara të Shkodrës u mbollën edhe 5700 pemë për pyllëzimin e Ballkonit të Shkodrës dhe Taraboshit ????”.
