Kryeministri Edi Rama tha sonte se sistemi i drejtësisë ka filluar të funksionojë. I ftuar në emisionin “Studio e Hapur”, Rama tha se 17 pesha të rënda të sistemit gjyqësor dhe të prokurorisë i kanë ikur vettingut. Kryeministri tha se në këtë vend po fillohet të bëhet drejtësia me gjithë dhimbjet dhe streset që ka shkaktuar opozita.
“17 pesha të rënda të sistem gjyqësor dhe të prokurorisë i kanë ikur vettingut. Nuk shkojnë të futen në vetting. Ka filluar pastrimi i sistemit. Në do të vëmë drejtësi me gjithë dhimbjet dhe të gjitha streset që i shkaktohen familjarëve tanë. Do i shkoj deri në fund kësaj pune, se unë e dua Shqipërinë. Unë nuk i ndahem këtyre derisa njerëzit të më duan. Çfarë s’kanë thënë për mua, nga pederast, drogaxhi, overdozë,” deklaroi Rama.
