Një raketë ajrore dhe një koleksion simbolesh naziste. Kjo ka bërë që policia italiane të arrestojë tre shtetas. Njëri prej të cilëve është ish-kandidat politik për një parti të djathtë ekstreme. Fabio Del Bergiolo, i cili kandidoi për Senatin italian në vitin 2001 nga partia Forza Nuova, së bashku me zviceranin Alessandro Monti dhe Fabio Bernardi u arrestuan një ditë më parë.
Materialet u zbuluan nga policia pas një investigim për qytetarë italian me ideologji ekstremiste. Të cilët kanë luftuar me forcat separatiste të mbështetura nga Rusia në Ukrainën lindore një vit më parë.
Policia italiane bëri me dije se një ekspert armësh i inflirtuar kërkoi të blinte raketën dhe kështu autoritetet arritën në gjurmët e të pandehurve.
Në shtëpinë e ish-kandidatit për Senat, policia gjeti një sërë armësh ushtarake dhe armë të paligjshme. Ndër të tjera 26 armë, 20 bajoneta dhe 306 pjesë armësh. Përfshirë edhe silenciatorë e më shumë se 800 plumba. Po ashtu, Del Bergiolo ishte një mbështetës i fortë i ideologjisë nazite.
Hetimet po vazhdojnë për të përcaktuar se si arriti në Itali raketa Matra, e cila mendohet se i ka përkatur forcave të armatosura të Katarit.
Avokati i këtij të fundit, Fausto Moscatelli u shpreh se klienti i tij është thjesht një i pasionuar armësh.
“Klienti im është një koleksionues dhe ata sekuestruan armë që ishin në shtëpinë e tij. Këto armë nuk janë të regjistruara, por nuk janë të lidhura me terrorizmin. Kishte një keqkuptim me koleksionet naziste, ai kishte gjithashtu koleksione fashiste dhe të Bashkimit Sovjetik. Por, policia konfiskoi vetëm ato që ishin me simbolet naziste.”
Ndërkohë, partia Forza Nuova ka mohuar çdo lidhje të tanishme me Del Bergiolo./ Burimi: CNN Përshtati: TIRANA TODAY
