Raiola strategji të re për të larguar Donnarummën nga Milani

Mino Raiola do të apelojë kontratën e portierit Donnarumma për “dhunë morale”, pasi beson se ajo është nënshkruar në kushte jo të mira dhe pa prezencën e agjentit të lojtarit. Kjo pasi në kohën kur portieri italian rinovoi me klubin e Milanit ka pasur shumë tension dhe Raiola nuk ishte i pranishëm, po ashtu edhe braktisja e bisedimeve nga avokati Rigo. Raiola do të apelojë ndaj “dhunës morale”, e cila përbën një defekt pëlqimi, sipas nenit 1435 të Kodit Civil dhe mund të përcaktojë gjithashtu anulimin e një marrëveshjeje të nënshkruar.Qëllimi i Donnarumma do të jetë transferimi me parametra zero (duke qenë se kontrata e re është anuluar dhe e mëparshmja do të përfundojë në qershorin e ardhshëm) në ndonjë klub europian të madh, që i ofron atij një angazhim edhe më të lartë. Një histori e destinuar për të bërë shumë zhurmë dhe kjo me siguri nuk do të mbetet pa u vënë re.“Corriere della Sera” profilizon një skenar që do të ishte i pabesueshëm, nëse konfirmohet. Qëllimi i Raiolës është për të anuluar kontratën e nënshkruar në korrik. Arsyeja? Një “dhunë morale” e pësuar nga Donnarumma në kohën e nënshkrimit, sipas justifikimit: “Pata presione psikologjike, unë nënshkrova, por nuk isha i qetë”. Kontrata ishte depozituar në “Lega” pa asnjë klauzolë përfundimi, me arsyen e thjeshtë se as agjenti, as portieri nuk do ta kishin nënshkruar atë. Afrimi i të vëllait Antonio, që luante me grekët e Asteras, si dhe një rikalkulim i pagës, që tashmë i ka kaluar 5.5 milionë euro, plus bonuset, ishin një “trullosje” e madhe për një lojtar vetëm 18 vjeç.