Mino Raiola është superagjenti që ka në dorë disa nga lojtarët më të mirë në qarkullim, njëkohësisht edhe makthi i presidentëve pasi lojtarët e menaxhuar nga ai ndërrojnë ekipet shumë shpesh.
Henrikh Mkhitaryan edhe pse nuk ka shumë që i është bashkuar Manchester United, tani është kthyer në qendër të vëmendjes së merkatos. Arsenali kërkon të marrë mesfushorin armen nga Manchester United, por situata është intriguar pasi “djajtë e kuq” kërkojnë sulmuesin Alexis Sanchez në këmbim. Në një lojë milionash, klauzolash dhe kontratash në skadencë, merkatoja e këtij dimri po i ngre temperaturat në Premier League.
“Manchester United nuk do të mund ta marrë Sanchezin, derisa Mkhitaryan të vendosë nëse do të pranojë të luajë me Arsenalin. Ai ende nuk është bindur për të firmosur dhe po mendon se cila është më e mira. Mkhitaryan ka ende dy vite e gjysmë në kontratë”, tha Mino Raiola, agjenti i lojtarit armen.
Mkhitaryan u la jashtë ekipit në ndeshjen e fundit me pretekstin se zërat e merkatos do të ndikonin në formën e tij. Pasi fati i Mikit është i lidhur me Sanchezin, pasi kiliani është në skadencë kontrate dhe, nëse nuk e shet, Arsenali rrezikon ta humbasë falas në qershor.
