Për shkak të palës greke, mësohet se është shkaktuar një kaos, pasi është bllokuar kalimi i qytetarëve dhe automjeteve në doganën e Kakavijës.
Doganierët grekë kanë deklaruar se kjo situatë është rënduar, për shkak të një defekti në sistemin e tyre kompjuterik. Për rrjedhojë, radha e automjeteve në territorin grek që janë në pritje për të hyrë në Shqipëri, ka shkuar deri në 3 kilometra.
Ende nuk ka një informacion konkret se sa do të vazhdojë kjo situatë, e cila ka shkaktuar irritim tek qytetarët, të cilët po presin prej disa minutash në radhë kilometrike.
