Fakti që Xherdan Shaqiri festoi me shqiponjë në fitoren e Zvicrës ndaj Serbisë në Botërorin e Rusisë, nuk mund të përtypet lehtë nga serbët. Tashmë futbollisti me origjinë kosovare do të vizitojë Beogradin për tu përballur me ekipin “simbol” të Serbisë, Crvena Zvezdan, me skuadrën e Liverpoolit. Anglezët padyshim javë favoritë në këtë sfidë të vlefshme për grupet e Champions League dhe frika qëndron nëse Shaqiri do të aktivizohet dhe shënon mund të festojë duke bërë shqiponjën me duar.
Drejtori i përgjithshëm i ekipit serb, Zvezdan Terziç, ka folur sërish për këtë çështje dhe ka nxjerrë në pah racizmin e theksuar që serbët kanë ndaj shqiptarëve. Ai është shprehur se nuk e imagjinon dot që një futbollist shqiptar të luante për klubin që ai drejton aktuialisht.
“Nuk ka të bëjë me qëndrimin tim personal ndaj futbollistëve shqiptarë. Jam i bindur se ai nuk do të kishte pasur ambient të mirë për stërvitje dhe punë. Crvena Zvezda ishte dhe mbetet klub serb, ndërsa Partizani ishte klub jugosllav. Ne nuk mund t’i ndryshojmë disa rregulla. Personalisht, nuk do të kisha mundur të imagjinoja ndonjë shqiptar të luante për Crvena Zvezdën”, u shpreh Terziç.
