Kryeministri Edi Rama ndodhet në Lezhë, ku po drekon me punonjës të një fabrike private.
Teksa bisedon me qytetarët e ulur në tavolinë me të, kryeministri Rama ka kaluar një situatë aspak të këndshme, teksa një grua i shfaq haptazi zhgënjimin e saj me partitë politike.
Zonja i rrëfen se LSI-ja e ka hequr nga puna, duke i hequr kështu bukën e gojës, ndërsa Rama mundohet ta justifikojë.
Më poshtë debati mes Ramës dhe qytetares:
Qytetarja: M’ka heq nga puna LSI-ja, ia di për nder këtij burri që më ka punësuar se LSI-ja ma hoqi bukën e gojës.
Rama: Kjo është një histori që të dhemb kur e pëson, por edhe ti kur ke ardh në punë, kjo parti kush e di kë ka heq më para.
Qytetarja: Ça m’dhanë partitë mu? Asigja. Po s’punova vet, s’kam ça ha.
I jam mirënjohëse vetëm këtij zotërisë, tjetër askujt.
Rama: Ke fëmijë? Në ça klase i ke? P.sh ja pse duhet të të interesojnë partitë. Djali 12 vjeç ka fillu shkollën. Do shkosh të votosh kë do marrësh në punë për djalin. N.q.s na voton ne, djali yt vazhdon ciklin e shkollës me librat më të mirë në sistemin e Europës.
Ke shembuj të tjerë sa të dush, që nuk është çështje personale, por është çështje e familjes, shoqërisë, lagjes.
Në Shqipëri, burrat bëjnë siç thonë gratë kur u thonë për votën.
