Drejtuesi politik i Partisë Demokratike për Tiranën, Belind Këlliçi, ka kritikuar ashpër kandidatin e Partisë Socialiste për deputet, Toni Gogu, gjatë një vizite në fshatin Arbanë.
Në një postim në Facebook, Këlliçi e ironizoi Gogu-n, duke e quajtur “pastor dhe gënjeshtar”, pasi ai u shfaq me mbështetësit e tij në rrugët e dëmtuara të fshatit, duke bërë premtime për legalizime dhe çertifikata pronësie.
Sipas Këlliçit, Arbana është lënë në harresë nga qeveria socialiste prej 12 vitesh, ndërsa banorët detyrohen të hedhin vetë çakull në rrugë për të mundësuar transportin e fëmijëve në shkollë. Ai e cilësoi të pandershme që një kandidat të përdorë fenë për të manipuluar votuesit, duke i bërë thirrje qytetarëve të mos bien pre e premtimeve boshe.
