Një valixhe e dyshimtë e lënë sot në afërsi të Bulevardit “Bill Clinton” në Prishtinë, shkaktoi panik tek kalimtarët dhe banorët që jetojnë në atë zonë. Por në fakt, në atë valixhe kishte vetëm rroba.
Flora Ahmeti, zëdhënëse e policisë për rajonin e Prishtinës tha se policia ka arritur të identifikojë pronarin e valixhes.
“Rreth orës 13:00, ka përfunduar ekzaminimi i vendit të ngjarjes në rrugën ‘Bill Clinton’. Në valixhe nuk është gjet asgjë e dyshimtë.
Hetuesit policor kanë arrit të identifikojnë pronarin e valixhes. Rruga është hapur për qarkullim, ndërkohë që hetuesit policor po merren me rastin”, tha ajo.
