Tregtarët të cilët shesin peshk në vendin ku dje u qëllua me breshëri arme ndaj Fatos Ferracakut, shprehen se vetëm Zoti mund ti ruaj. Dëshmitarët kanë thënë jashtë kamerave se kanë parë dy persona të cilët kanë qenë të maskuar, dhe kanë qëlluar për vdekje në drejtim të 41-vjeçarit i cili po shiste peshk. Ekzekutori, i cili dyshohet se është vrasës me pagesë, po kështu ka lënë të plagosur Fatmir Mehajn.
Një zonjë e cila shet peshk afër vendit të ngjarjes, nuk ka hezituar të thotë se frika po i mbyt.
“Unë s’di ça me fol, besa! Kemi shumë frikë. Si nuk kemi frikë moj nënë. Inshallah ka me na rujt Zoti. Jo, jo, nuk jam dëshmitare, nuk kam qëllu këtu dje”, raporton “faxweb”
“Mjerë atij që i ka ra. Situata është e tmerrshme. Jemi të pasigurtë”, shprehet një banor tjetër, i cili është i frikësuar nga ngjarja mafioze.
