Edhe pse nesër zhvillohen zgjedhjet, kosovarët kanë zgjedhur Shqipërinë për të kaluar fundjavën.
Që në orët e para të mëngjesit, ata janë nisur drejt vendit tonë, pikërisht në pikën kufitare të Morinës në Kukës.
Për shkak të fluksit të lartë, po punohet me pesë sportele dhe me procedurë të përshpejtuar për të shmangur radhët dhe pritjet.
Fluksi ka nisur që në orën 3 të mëngjesit, ndërsa numri i personave që kanë hyrë në Shqipëri i kaloi 2 mijë vetë.
Në hyrje të Shqipërisë janë regjistruar 600 automjete të vogla dhe 25 autobusë. Edhe të dielën pritet fluks për shkak të ndeshjes Kosovës-Turqi në “Loro Boriçi”.
