Duhet të tregohemi të kujdesshëm për mënyrën se si i ruajmë ushqimet dhe mbi të gjitha të tregohemi të vëmendshëm për vendet në të cilat i vendosim.
Të gjithë pothuajse e bëjmë në shtëpinë tonë, por deri më sot paskemi vepruar gabim. Qumështi një ndër produktet me vlera të rëndësishme për shëndetin nuk duhet vendosur në derën e frigoriferit.
Në momentin që e vendosim një shishe qumësht në atë pozicion, nuk e mendojmë aspak se kemi bërë një gabim. Dera e frigoriferit është pjesa më e ekspozuar ndaj ndryshimeve të temperaturës, duke krijuar kështu mundësinë që qumështi të prishet.
Prandaj rekomandohet që të mbahet në raftet qendrore së bashku me produktet e tjera të qumështit.
Ndërkohë këshillohet që ushqimet të cilat nuk kanë nevojë për gatim, mund të ruhen në krye të frigoriferit, ndërsa frutat dhe perimet të vendosen në dollapët e poshtëm.
