Nxënësit e shkollës “Dilvar Nezha” në Qukës të Prrenjasit e zhvillojnë mësimin në disa ambiente shtëpie të marra me qira. Dy ditë para nisjes së vitit të ri shkollor, në datën 8 shtator kjo shkollë u mbyll pasi nuk plotësonte kushtet për zhvillimin e mësimit. Kjo për shkak edhe të dëmtimit nga një tërmet.
Vendimi për mbylljen e shkollës u bë pas inspekimit të Inspektoritetit Shtetëror Shëndetësor dhe bashkisë Prrenjas, e cila pas konstatoi dëmtimet vendosi që aty mos zhvillohej mësim. Pas këtij vendimi është vendosur që të merren ambiente me qira nëpër shtëpia në mënyrë që të zhvillohet mësimi. Drejtori i Urbanistikës në bashkinë e Prrenjasit tha se kanë gati projektin për shkollën dhe do tia çojnë ministrisë për të hapur fondin për ndërtimin e shkollës.
Mirjana Golikja, Drejtore e Shkollës “Dilaver Nezha”: Kërkova një verifikim nga Urbanistika e Bashkisë Prrenjas për të parë gjendjen aktuale të godinës. Urbanistika e bashkisë Prrenjas pas aktit të kontrollit jep këtë vendim: Të mbyllen dy klasa sepse ka problem konstruksioni mbajtës dhe tëmos bëhet mësimi. Gjithashtu tërmeti me shkallë më të vogël lëkundje mund të sjellë dëmtime të mëdha prandaj ne kemi mendim që në shkollën e vjetër të mos bëhet mësim. Ky vendim është dhënë në 8.9.2017, ditë e premte dy ditë përpara se të fillonte mësimi. Të shunë të dielë ne vendosëm të adoptonim disa ambiente të shkollës për ti kthyer në klasa dhe vendosëm ditë të hënën që të bënim mësimin me dy turne me nga 30 minuta. U pa gjatë këtyre ditëve të zhvillimit të mësimit me dy turne problematika të tilla që fëmijët vijnë nga shumë fshatra dhe largësia mund të jetë 2 deri në 2 orë e gjysmë vetëm ardhje. Prindërit filluan të shqetësoheshin dhe na thanë më mirë që të jenë në ambient me qira. Ia përcollën bashkisë Prrenjas shqetësimin e prindërve. Bashkia në fakt nuk është se na ndihmoi për të gjetur ambientet na tha thjesht: Gjeni ambientet. Me një grup mësuesish vajtëm nëpër familje, por kushtet nuk është se janë, sepse fëmijët janë jashtë shkollës.
Edukatore: E pranuam jo me dëshirën tonë se ambienti është shumë i ngushtë, punojmë në kushte shumë të vështira, se këta janë dhe moshe e vogël, por dëshira e prindërve është shumë e madhe. Sollëm materialet që kishim, filluam punë.
Edukatore: Na thanë që do rregullohet dhe morëm objekt me qira nga bashkia, erdhëm u vendosëm te kjo familje. E përshtatëm mesa mundës. Na kanë dhënë përkohësisht. Jemi të detyruar që të pnojmë këtu.
Mësuese: Pak të vështirë e kemi se nuk janë vënë dyert e të gjitha klasave. Jemi vetëm me një derë kryesore dhe kemi pak vështirësi. Kur erdhëm na thanë që nuk do vazhdoni mësim aty se është e pabanueshme dhe e rrezikshme për nxënësit. U ndodhëm pranë një të papriture.
Maksim Jaçelli, Drejtori i Urbanistikës: Ne konstatuam si drejtori e Urbanistikës se ajo ka edhe probleme me qëndrueshmërinë, ka shumë plasaritje dhe duke parë gjendjen ne dolëm me vendim që kjo shkollë të pëzullojë aktivitetin e saj dhe lëkundja më e vogël e tërmetit mund të ndodhin katastrofa të mëdha. Për ti ardhur në ndihmë komunitetit për shkollimin e fëmijëve ne i kemi bërë një shkresë ministrisë ku i kemi dërguar një informacion për gjendjen e shkollës dhe në kuadrin e emergjencave të na dërgohej një fond për rikonstruksionin e kësaj shkolle.
Ministria na ktheu përgjigjen që duhet bërë një projekt tamam. Ne kemi përpiluar projektin dhe tani do e çojmë projektin
Gazetarja: Kur mund të nisë rikonstruksioni?
Maksim Jaçelli, Drejtori i Urbanistikës: Varet kur do çelen fondet nga ministria. Por duhet bërë shkollë e re se është shumë e amortizuar, është shumë e vjetër shkolla.
Gazetarja: Çfarë zgjidhje keni dhënë për 200 nxënës që mësojnë tek ajo shkollë.
Maksim Jaçelli, Drejtori i Urbanistikës: Për 200 nxënës ne kemi shkollën tjetër në krah saj. Kemi marrë masa qoftë dhe në ambiente private dhe i kemi sistemuar nxnënësit për dhënien e mësimit. Derisa shkolla të bëhet nxënësit do jenë në ambientet me qira sepse edhe bashkia nuk ka vende që ti sistemojë.
