Qytetarë të Moskës janë mbledhur sot para Ambasadës së Myanmar në Rusi, në solidaritet me personat që po dhunohen atje.
Të paktën 800 persona u mblodhën para Ambasadës së Myanmar në qendër të Moskës për të protestuar ditën e sotme.
Gjatë protestës nuk ka pasur incidente, ndërsa forcat policore kanë qenë të shumta.
Gjithashtu, protestuesit janë falur përpara ndërtesës së ambasadës, si dhe kërkuan ndalimin e gjenocidit.
Situata në Myanmar u tensionua në fillim të gushtit si pasojë e një përplasjeve mes budistëve dhe myslimanëve të Rohingya.
Të paktën 400 njerëz janë vrarë dhe rreth 73.000 të tjerë janë zhvendosur në Bangladesh për t’i ikur dhunës./ Tirana Today
