Rreth 200 shtetas grekë janë ndaluar të hyjnë në Kakavijë për të marrë pjesë në meshën për të 40-tat e Konstandinos Kacifas.
Në mesin e tyre janë dhe persona që janë shpallur nga Shqipëria non grata. Mesha është caktuar të mbahet në orën 11:00 në fshatin Bularat të Gjirokastrës.
Dje autoritetet shqiptare ndaluan hyrjen në pikën e kalimit kufitar të Kakavijës të një gazetari grek. Gazetarit Panajotis Savidis, i cili punon për gazetën greke “Protothema”, i është komunikuar se është person non-grata në Shqipëri dhe për pasojë nuk mund të hyjë në territorin shqiptar. Gjithashtu bëhet me dije se të gjitha pikat e kalimit kufitar, policia ka shpallur listën me 52 shtetasit non-grata.
Kostandin Kacifas u vra nga RENEA më 28 tetor 2018 gjatë përleshjeve RENEA, pasi qëlloi ndaj këtyre të fundit. Ndërkohë gjatë ceremonisë së varrimit pati thirrje ekstremiste anti-shqiptare.
