Nesër do të mblidhet Kuvendi në një seancë të jashtëzakonshme, në kuadër të ultimatumit të vënë nga studentët për miratimin e 8 kërkesave.
Lajmin e ka dhënë kreu i grupit parlamentar të PS-së, Taulant Balla i cili shkruan se parlamenti mund të mblidhet nesër me kryeministrin dhe studentët, që është koha për të mbyllur paktin për universitetin.
“PO! Parlamenti mund te mblidhet neser me Kryeministrin dhe studentet, te cilet eshte koha te ulen e te mbyllin Paktin per Universitetin duke nisur nga miratimi i 8 pikave. Uroj qe studentet ta bejne kete pa humbur kohe dhe te kthehen ne shtepi me suksesin e protestes se tyre”, shkruan Balla në një postim në Facebook.
Kështu, qeveria duket se po përpiqet të shmangë një protestë kombëtare, e cila do zhvillohej nëse parlamenti nuk do të mblidhej, por pritet përgjigja e studentëve të cilët nuk dihet a do i përgjigjen ftesës së Ballës për t’u ulur në parlament me Ramën.
Kjo pasi studentët kërkojnë miratimin e 8 kërkesave pa qenë nevoja të dialogojnë me Ramën.
