Qeveria e Maqedonisë në disa faza ka emëruar koordinatorët kombëtar që merren me koordinimin e aktiviteteve qeveritare në fusha të caktuara.
Përpos në postet e zëvendës-koordinatorit, deri tani nuk ka asnjë koordinator kombetar nga radhët e kuadrove profesionale shqiptare.
Në mbledhjen e fundit të Qeverisë janë emëruar dy koordinatorë: Robert Allagjozovski – koordinator nacional për kulturë dhe Goce Çakarovski – koordinator për shëndetësi,shkruan ina.
Koordinator për menaxhim me kufijtë është Vladimir Pivovarov, i emëruar gjatë vitit të kaluar. Ndërsa i vetmi shqiptar i emëruar për zv/koordinator është Xheladin Ajvazi, në sferën për parandalimin e ekstremizmit dhe luftës kundër terrorizmit.
