Numri i përdorimit të qeseve plastike është reduktuar ndjeshëm. Duket se fushata e ndërmarrë nga Bashkia e Tiranës për mospërdorimin e qeseve plastike, ka dhënë efektet e para.
Mësohet se qytetarët i janë bashkuar kësaj nisme, duke ulur përdorimin e qeseve plastike me 50%.
Fushata duket se ka qenë më efektive në supermarketet e mëdha, ndërsa nisma po shtrihet edhe në minimarketet që ndodhen në lagje të ndryshme të Tiranës.
Deri tani, kësaj nisme i janë bashkuar 21 markete, ku qeset plastike kushtojnë 3 dhe 5 lekë, në mënyrë që të nxisin qytetarët që të përdorin trastat.
Në Tiranë përdoren çdo muaj 100 ton qese, duke shkaktuar në jo pak raste probleme me kanalizimet pas reshjeve të shiut.
