Nga dje janë ndaluar përdorimi i qeseve plastike në vendin tonë. Sikundër tha edhe kryeministri Rama, nëpërmjet një postimi në Facebook se nga data 1 qershor do të nisë një epokë e re për vendin. Sakaq, Ministrja e Turizmit dhe Mjedisit, Mirela Kumbaro, sqaroi mbarë opinionin publik se do të ndalohen qeset plastike të lehta ose shumë të lehta. E ftuar në rubrikën “Opinion” në News 24, ministrja ka folur për vendimit e qeverisë që ka hyrë dje në fuqi, për heqjen nga përdorimi i qeseve plastike.
“Ndalim i qeseve njëpërdorimshme, të lehta ose shumë të lehta. I theksoj këto detaje sepse e para nuk besoj se pritej që ditën e parë të zhdukeshin të gjitha qeset që i kemi stok nëpër magazine. Ky ligj ndalon prodhimin e mëtejshëm të këtyre qeseve të lehta, ndërsa qese që përdoren shumë herë, për transportin e mbetjeve, ato do të jenë në treg. Duke filluar që dje, në zbatim të ligjit, janë vënë në veprim tre institucione që po informojnë bizneset për këtë ligj”, tha Kumbaro.
