Numri i madh i qenve endacakë mbetet ende një problem pazgjidhur në Shkup.
Ndërmarrja publike “Parkingjet e komunës Qendër”, ka bërë thirrje që të kontribuohet në strehimin e qenve të endacakë, në komunën e Shkupit.
Ky problem është i pranishëm edhe në komunat e tjera.
Duke mos gjetur zgjidhje nga institucionet përkatëse, kjo ndërmarrje ka kërkuar nga qytetarët që të mbështetin nismën në mënyrë vullnetare.
Nisma synon që të paktën gjatë periudhës së Super Kupës Evropiane, Shkupi të pastrohet nga qentë endacak, që janë në numër të madh, teksa kapacitetet e strehimit dhe kujdesit janë mjaft të kufizuara.
