Qeni thuhet se është kafsha më besnike. Një gjë e cila është konfirmuar në shumë raste, ndërkohë rasti i fundit vjen nga futbolli argjentinas. Ajo u regjistrua në ndeshjen mes Juventud Unida dhe Defensores de Belgrano, kur një tentativë e portierit vendas për ta hedhur sferën drejt sulmit u përplas në shpinën e një prej sulmuesve kundërshtarë, duke bërë që topi të marrë një trajektore drejt portës.
Megjithatë, lëvizjen e gabuar të portierit e nuhati një qen aty pranë, që kaloi para vijës fatale të portës, e për të ndalur më pas topin. Sigurisht rastësi, por për portierin ai qen është heroi.
