Mbrëmjen e sotme në Fierzë janë regjistruar të shtëna me armë zjarri. Mësohet se plumbat janë derdhur në drejtim të një furgoni që lëvizte në aksin Qafë Mali-Fierzë.
Nga të dhënat e para mësohet se ngjarja ka ndodhur rreth orës 21:00 pranë zonës së njohur si “Gropa” në Fierzë.
Fatmirësisht nga të shtënat nuk raportohet për persona të lënduar. Por nga të shtënat, furgoni me targë AA982MG që kthehej nga Tirana drejt Fierzës, është prekur nga tre plumba.
Burime nga vendngjarja thonë se të shtënat mund të kenë patur si shkak një konflikt të mbartur.
