Pasditen e sotme, persona të pa identifikuar kanë qëlluar me armë zjarri në drejtim të një makine te Kisha Ortodokse në Vlorë. Ngjarja ka ndodhur rreth orës 18:30, ndërsa tre persona kanë mbetur të plagosur.
Makina ndaj së cilës u qëllua me armë zjarri është tip ‘Fiat Punto’ me targa italiane DJ 252 RC. Nga të dhënat paraprake mësojmë se makina është qëlluar në lëvizje nga një tjetër mjet, ndërsa autorët janë larguar me shpejtësi.
Ndërkohë, janë identifikuar të plagosurit, shtetasit; Elis Ll., Taulant B., Gazmend C.
Makina është qëlluar në lëvizje nga një tjetër mjet, ndërsa autorët janë larguar me shpejtësi.
Të plagosurit janë dërguar në spitalin e Vlorës për të marrë trajtim mjekësor.
Sakaq, policia e mbërritur në vendngjarje ka nisur hetimet për identifikimin dhe kapjen e autorëve.
