Në ndeshjen që po zhvillohet mes Teutës dhe Skënderbeut e cila vazhdon të jetë me rrjeta të paprekura në pjesën e parë, ka ndodhur një episod mjaft i dyshimtë. Sulmuesi i Skënderbeut, Ali Sowe është sinjalizuar për një pozicion jashtë loje gjatë një kundërsulmi edhe pse ai ndodhej në gjysmëfushën e tij.
Arbitri anësor i kësaj sfide nuk ka nguruar të ngrejë flamurin për të sinjalizuar pozicionin jashtë loje, pas topit të asistuar nga Xhejms i cili e nxirrte të vetëm Sowen përballë portierit durrsak. Në këtë pikë vihet në dyshim profesionalizmi i arbitrave në Shqipëri, pasi sipas rregullores nëse lojtari ndodhet në gjysmëfushën e skuadrës së tij, qoftë edhe i vetëm përpara nuk është në pozicion jashtë loje. Ndoshta arbitri nuk kishte dhe fushëpamjen e mjaftueshme, por që nga pamjet nuk duket e tillë.
Kujtojmë në këtë rast golin e Fernando Torres në përballjen e Champions League, ku Chelsea eliminonte Barcelonën dhe goli i dytë për “Blutë e Londrës”, vjen nga një aksion i ngjashëm, por që nuk u anulua po vazhdoi aksioni normalisht.
