Rubrika më e re e Tirana Today, “Pyet Mjekun” ka rezultuar një portë efikase për shumë qytetarë përgjatë ditëve të fundit për të marrë informacion dhe për t’u konsultuar direkt me mjekun e tyre.
Shumica prej tyre kanë shfaqur një interesim të drejtpërdrejtë për t’u këshilluar me mjekun e tyre përmes kësaj rubrike duke klikuar në faqen e Tirana Today dhe në linkun e rubrikës “Pyet mjekun”, https://tiranatoday.com/pyet-mjekun/.
Rubrika “Pyet Mjekun”, e cila është pjesë integrale edhe rubrikës kryesore “Shko te Mjeku” është e ndërtuar në formatin e pyetjeve dhe përgjigjeve.
Për të pasur një lidhje të drejtpërdrejtë me mjekun tuaj ju duhet të plotësoni emrin, e-mailin, subjektin ku duhet të bëni të ditur problemin përkatës shëndetësor, më pas duhet të zgjidhni shërbimin e caktuar e cila nis që me Alergologji, CheckUp, Endrikronologjinë, Hematologjinë e deri tek Urologjia. Ndërsa poshtë është formulimi i pyetjes suaj kundrejt mjekut mbi problemin tuaj shëndetësor. Përgjigjet e mjekëve do t’u dërgohen në emailin tuaj personal. Ndërsa anonimati i tyre do të garantohet në mënyrë të plotë.
Ky komunikim përmes e-maileve mbi shqetësimet dhe problemet tuaja shëndetësore, i iniciuar nga “Tirana Today” dhe “Spitali Amerikan” synon të krijojë një interaktivitet të vazhdueshëm midis mjekëve dhe lexuesve që janë të interesuar për të ditur mbi problemet e tyre shëndetësore.
Për këtë arsye rubrika “Pyet Mjekun”, e “Tirana Today” do të jetë një urë lidhëse e këtij komunikimi duke ndërgjegjësuar gjithnjë e më shumë njerëzit për shëndetin e tyre dhe si ai vjen mbi të gjitha.
