“Pyeongchang, 2018”, Thomas, Bach, Gjithçka, gati, special, bashkimi, Koreve

9 shkurti do të jetë data që do të startojnë edhe Lojërat Olimpike dimërore që këtë herë organizohen në Korenë e Jugut. Gjithçka duket se është gati dhe pritet vetëm të fillojë ceremonia hapëse sipas presidentit të Komitetit Olimpik Ndërkombëtar (IOC), Thomas Bach. “Nuk ekziston asnjë problem teknik, gjithçka është gati. Tani na ka mbetur vetëm një gjë për të bërë, të fillojmë Olimpiadën”, u shpreh ai.

Ngjarja më e madhe në këtë garë olimpike është bashkimi i dy koreve të cilat edhe pse janë në akoma në luftë, kanë vendosur që të pushojnë gjithçka, madje do të kenë një skuadër të përbashkët në sportin e hokejit për femra. “Për mua ky do të mbetet një moment historik dhe emocionues, duke qenë se edhe unë në të shkuarën kam garuar me dy shtete të ndryshme, për një vend të ndarë, siç ka qenë Gjermania”, tha Bach, referuar ndarjes së Gjermanisë Lindore dhe asaj Perëndimore.

Në fund, Thomas Bach ka dhënë edhe një mesazh tjetër për sportin rus dhe skandalin doping që ka pushtuar këtë vend, që ka sjellë edhe përjashtimin e Rusisë nga çdo event ndërkombëtar dhe olimpik. “Sportistëve të akuzuar për doping nuk do t’u lejohet të garojnë në Olimpiadë. Rregullat janë të qarta. Ata që janë lejuar janë të pastër dhe do të garojnë si neutralë, duke firmosur një deklaratë dhe pakt me ne, të cilat do t’i monitorojmë deri në fund”, tha Bach.