Presidenti i Rusisë, Vladimir Putin i ka shkruar homologut të tij shqiptar, Ilir Metës, të cilin e uron për festën e Pavarësisë.
Në mesazhin e dërguar, Putin po ashtu ka një kërkesë, teksa shpreh synimin e tij për përparimin pozitiv të marrëdhënieve mes Rusisë dhe Shqipërisë.
Mesazhi i plotë i Presidentit Vladimir Putin:
I nderuar zoti President, Merrni urimet e mia me rastin e festës kombëtare të Shqipërisë, Ditës së Flamurit. Synojmë përparimin e marrëdhënieve ruso-shqiptare. Kjo sigurisht do të ishte në përputhje me interesat thelbësore të popujve të vendeve tona, dhe do t’i shërbente përforcimit të paqes dhe stabilitetit në Ballkan dhe në të gjithë Evropën. Ju uroj Juve shëndet dhe suksese, ndërsa të gjithë qytetarëve të Shqipërisë u uroj mirëqenie dhe begati. Me respekt, Vladimir Putin!
