Organizimi i botërorit vitin e ardhshëm në Rusi është vënë në shënjestrën e militantëve të ISIS. Ata kanë publikuar disa foto kohët e fundit ku qëndrojnë me armë pranë stadiumeve dhe kanë lëshuar disa mesazhe se do ta përgjakin këtë eveniment futbollistik. Këto kërcënime vinë për të trembur sportdashësit që do të udhëtojnë në Rusi vitin e ardhshëm për të ndjekur finalet e Botërorit.
Pak dit më parë në internet u publikua një foto e yllit argjentinas Lionel Messit, i cili ishte vendosur pas hekurave dhe nga sytë lotonte gjak. Këto foto publikohen nga mediat që janë në mbështetje të shtetit Islamik dhe bëjnë propagandë në dobi të tyre. Por të gjitha këto kërcënime nuk janë anashkaluar nga organizatorët e Botërorit. Ka qenë vetë presidenti i shtetit, Vladimir putin i cili ka kërkuar të merren masa më të larta siguri, që të evidentohet çdo rrezik që paraqitet.
“Të ndërmerren masa shtesë në fushën e sigurisë gjatë botërorit FIFA 2018. E gjithë infrastruktura e transportit dhe infrastruktura e rrjetit hotelier, dhe në të gjitha fushat që Federata Ruse ka zgjedhur për të pritur ndeshjet e Kupë së botës”, ka thënë Putini.
