Kalëroi pa këmishë mbi një kalë në Siberi, pilotoi një avion, notoi me delfinë, hodhi kundërshtarët e xhudos dhe u zhyt në thellësitë e liqenit Bajkal dhe në Detin e Zi.
Ai është presidenti i Rusisë, Vladimir Putin, i cili shtoi në repertorin e tij të bëmave paraditen e ditës së diel një shfaqje të shkurtër si pianist.
Presidenti Putin është në Pekin për iniciativën “Një brez-një rrugë” , një plan prej 1 trilion dollarësh për infrastrukturën dhe zhvillimin ekonomik në 60 vende.
Dhe ndërsa priste për tu takuar me presidentin e Kinës, Xi Jinping, Putin u ul në një piano të madhe dhe luajti dy melodi: “Evening Song”, nga Vasily Solovyov-Sedoi dhe “Moskë Windows” nga Tikhon Khrennikov.
Të dy këngët janë nga fundi i viteve 1950, kur 64 vjeçari Putin , ishte fëmijë dhe Bashkimi Sovjetik po dilte nga hija e Stalinit, i cili vdiq më 1953.
https://www.youtube.com/watch?v=x58jyTGdNK8
