Së fundmi Vladimir Putin ka zbuluar se ai ka komanduar një batalion artilerie gjatë periudhës sovjetike, një detaj që më parë ishte i panjohur dhe është mbajtur i fshehtë në biografinë e tij.
Putin bëri këtë deklaratë gjatë një vizite që zhvilloi të hënën në Shën Petërsburgut në fortesën Paul, ku ai tërhoqi levën e një topi që u shkreh në formë përshëndetjeje mbi lumin Neva.
“Unë mora gradën e togerit si një artiljer, në fakt isha komandant i një batalioni të artilerisë të vrullshme të kalibrit 122mm” tha Putin, në videon e postuara nga Kremlini. Ai nuk dha detaje të mëtejshme rreth deklaratës misterioze.
Një zyrtar në kështjellë përgëzoi presidentin rus për një gjuajtje “të mrekullueshme” me top.
Biografia zyrtare e Putinit nuk e përmend kurrë gradën e tij ushtarake të togerit ose pozitën e tij si komandant i një batalioni artilerie.
Sipas Kremlinit, Putini iu bashkua KGB-së menjëherë pas diplomimit nga fakulteti i drejtësisë në Universitetin Shtetëror të Leningradit në 1975. Ai kaloi 16 vjet në shërbimin e sigurisë sovjetike, duke u rritur në rangun e nënkolonelit të KGB-së para rënies së Bashkimit Sovjetik më 1991.
Megjithatë, të gjithë studentëve të aftë për punë iu kërkua të bënin stërvitje ushtarake, pas së cilës morën gradën e oficerit rezervist dhe është e mundur që Putini po i referohej kësaj kohe.
Deklarata e presidentit rus vjen pak pasi karta e tij e vjetër e identifikimit si agjent i policisë sekrete në Gjermaninë Lindore u gjet në arkivat Stasit.
“The Guardian” shkruan se Putini shërbeu si oficer i KGB-së në Dresden në vitet 1980. Kremlini nuk ka konfirmuar por as nuk e ka mohuar se Putinit i është lëshuar një identifikim nga Stasi.
Ka shumë pak informacione të besueshme për punën e Putinit në Dresden; një mundësi është se ai ishte ngarkuar me kapjen dhe rekrutimin e të huajve që studionin ose punonin në qytet.
Putini dihet se ka punuar në kundërzbulim gjatë ditëve të tij në KGB. Disa raporte pohojnë se detyrat e tij të KGB-së përfshinin mbikëqyrjen e disidentëve politikë sovjetikë, por këto kurrë nuk janë konfirmuar. TIRANA TODAY
