Perandori i Francës, Napoleon Bonaparti, ishte dikur një nga burrat më të fuqishëm të Evropës. Por në një rast, ai pësoi një lloj “humbje” poshtëruese përballë lepujve. Pas fitores në një betejë, shefi i tij i shtabit, organizoi një gjueti lepujsh, për të festuar.
Ndihmësit sollën në një pyll aty pranë mijëra lepuj, që më pas do të gjuheshin nga Bonaparti dhe njerëzit e tij. Por kur u hapën kafazët, lepujt në vend se të iknin me vrap, nisën të sulmonin njerëzit.
Qindra prej tyre iu turrën në këmbë edhe Napoleonit, që i ndodhur në një pozitë të vështirë, vrapoi për siguri tek karroca e tij.
