Pushimet ideale për çiftin britanik Mick dhe Jayney Clarke u kthyen në makth për ta, pasi u përballën me të vërtetën. Ata mbërritën në Korfuz në një ishull që e përshkruajnë si “vrima e ferrit” që u kujton atyre kohë lufte.
Turistët britanikë Mick dhe Jayney Clarke thanë se ndodhen në një fshat të quajtur Agios Georgios në Korfuz pa ujë dhe me mbeturinë që u rrezikojnë atyre shëndetin. Mick, që është një ish-ushtar, nuk e cilëson hotelin si një “zonë lufte”, teksa i kujton atij periudhën që shërbeu në luftën e Bosnjës.
Gruaja e tij vuan nga një sëmundje në gjak, që e detyroi atë të linte punën vitin e kaluar. Ndërsa tashmë rreziku për shëndetin e saj është më i madh:
“Pamë ofertën në Facebook ku përfshiheshin të gjithë me 499 paund dhe fluturimi po ashtu. Menduam që është shumë mirë për të qenë e vërtetë. Shkuam te agjensia e udhëtimit dhe pyetëm: cili është kurthi që është kaq lirë? Ata na thanë se kjo është java e parë e sezonit turistik dhe duan të inkurajojnë njerëzit që të bëjnë pushimet aty. Dua të largohem, nuk mund të qëndroj më pa ujë të ngrohtë. Të gjitha dyqanet këtu po bëjnë riparime dhe thonë se sezoni turistik do të fillojë në dy javë. Rrugët janë plot me mbeturina dhe plazhet nuk janë të pastruar, por plot me mbetje. Këto pushime do të na ndihmonin të kalonim një periudhë të vështirë të jetës sonë, por përkundrazi. Ne duhet të paguajmë më shumë, nëse duam të ikim nga këtu dhe tashmë kemi ngecur në këtë vend të mjerë.”
Autoritetet po hetojnë rastin dhe do të përgjigjen pas ankesës së çiftit, publikuar në media ndërkombëtare tashmë./ Përshtati Tirana Today
