Zbardhet identiteti i 34-vjeçari, i cili u gjet i pajetë ditën e sotme në lagjen “Kushtrimi” të Vlorës, pranë banesës së tij. Bëhet fjalë për Kreshnik Dashajn, për të cilin policia u shpreh se nuk njihet si person me precedent penal.
Fotoja e viktimës është siguruar nga “Panorama”. Pak orës pak ngjarjes, në njoftimin e policisë thuhej se në trupin e 34-vjeçarit, konkretisht në pjesën e pasme të shpatullës, u konstatua një plagë e cila dyshohet të jetë shkaktuar nga armë zjarri.
Mësohet se Dashaj punonte në një firmë këpucësh në qytetin e Vlorës.
Ndërkohë, është ngritur grup i posaçëm hetimor me qëllim dokumentimin dhe zbardhjen e plotë të ngjarjes.
