Deputeti i Partisë Demokratike Agron Shehaj, përmes një statusi në Facebook të shoqëruar edhe me video, tregon se si Partia Socialiste mbron punësimin politik dhe lidhjet nepotike (familjare) në administratë.
Sipas Shehajt, një nga deputetët socialist ka lënë mandatin për t’u bërë kryetari i AMF-së. Ai shkruan se në këtë institucion punojnë bashkëshortja e tij dhe ish-deputeti i PS-së, Ervin Koçi.
Deputeti i PD-së, shkruan se për sa kohë kjo qeveria kthen kokën për të justifikuar vjedhjet e abuzimet,nuk ka për të ecur kurrë përpara. Sa i përket punësimit në administratën shtetërore, Shehaj nënvizon se të gjithë vendet e punës dhe punësimet behën me mik.
“Kjo qeveri, për sa kohë shikon prapa për të justifikuar abuzimet dhe vjedhjet , nuk ka për të ecur kurrë përpara. Kryetarja e AK-së shitet për një vend pune, jo më të garantojë konkurrencën në treg. Të gjithë e dimë që punësimet në shtet bëhen me mik, por janë të papranueshme gënjeshtrat e Ramës që shpall konkurse për punësim fiktiv!”-shkruan ai.
Statusi i deputetit
Shikoni sesi PS-ja mbron punësimin politik dhe familjar në administratë!
Në prill, ish deputeti i PS-së dorëzon mandatin për t’u bërë kryetari i AMF-së. (Autoritet i pavarur). Në AMF punon bashkëshortja e ish deputetit. Rilindja nuk pranon dy bashkëshortë në të njëjtin institucion. Duhet gjetur një vend pune për bashkëshorten.
Fare “rastësisht” hapet një vend pune tek Autoriteti i Konkurrencës, 50 metra larg AMF. Por, Rilindja kërkon procedura! Atëherë bëhet një konkurs fiktiv ku konkurron bashkëshortja dhe dy vartëse të AMF-së.
Sipas standardeve të Rilindjes dhe procedurave, vendin e punës e fiton bashkëshortja e ish deputetit. Fare rastësisht dy konkurrentët, vartës të ish deputetit dhe gjithashtu kryetar i AFM, ngrihen në detyrë. Në perëndim do pushoheshin të gjithë ata që organizuan farsën!. Ndërsa në Shqipëri mbrohen nga deputetët e mazhorancës në Komisionin e Ekonomisë duke thënë që edhe PD-ja e bënte këtë gjë kur ishte në pushtet.
Kjo qeveri, për sa kohë shikon prapa për të justifikuar abuzimet dhe vjedhjet , nuk ka për të ecur kurrë përpara. Kryetarja e AK-së shitet për një vend pune, jo më të garantojë konkurrencën në treg. Të gjithë e dimë që punësimet në shtet bëhen me mik, por janë të papranueshme gënjeshtrat e Ramës që shpall konkurse për punësim fiktiv!
