Duket se kemi mbetur ne rutinën e të punuarit nga e hëna në të premte, nga ora 08:00-16:00. Epo kjo së shpejti mund të ndryshojë.
Njerëzit po fillojnë të pyesin nëse të punuarit 5 ditë në javë është gjë e mirë për të punësuarit, por edhe për punëdhënësit.
Në fakt, një kompani në Zelandën e Re ka ndryshuar orarin e punonjësve, duke kërkuar nga ata që të punojnë vetëm 4 ditë në javë.
Kompania Prospect Guardian doli në përfundimin se punonjësit ishin më pak të stresuar dhe kishin një jetë më të mirë nëse bënin një ditë më tepër pushim në javë, por paguheshin për 5 ditë. Kjo nënkuptonte se ata ishin më produktivë në ditët që punonin në zyrë.
Themeluesi i kompanisë Andrew Barnes tha se kjo metodë rriste produktivitetin në punë.
Nuk është rastësi që njerëzit po rimendojnë se si të punojnë. Një studim i fundit zbuloi që punonjësit më të rinj ndiheshin më të stresuar në punë se kolegët në moshë më të vjetër. Kështu, mendohet se të punuarit më pak redukton stresin dhe ndihmon shëndetin mendor të punonjësve./TIRANA TODAY
