Gjigantët francezë të PSG-së janë duke humbur një nga yjet më të mëdhenj të futbollit, pasi momentalisht nuk kanën financat e duhura. Bëhet fjalë për Kylian Mbappe, i cili u mor në huazim nga Monaco për tu blerë përfundimisht për 180 milionë euro. Sipas “Chiringuito” rregullat e “fair play financiar” kanë vënë në vështirësi parisienët, pasi këta të fundit kanë kohë deri më 27 gusht që të mbyllin transferimin.
Nëse PSG nuk ia del që të paguaj këtë shumë parash atëherë Mbappe do të jetë sërish nën pronësinë e Monacos. Kjo skemë duket se ka intriguar gjigantët e Real Madrid të cilët akoma nuk kanë bërë një goditje të madhe dhe duket se janë duke pritur këtë moment dhe të rrëmbejnë kampionin e botës.
Duke parë se “Los Blancos” deri tani nuk ka qenë aktiv aspak në merkato dhe nuk ka gjetur zëvendësuesin e Ronaldos, i cili u largua drejt Juventusit, të bën të mendosh se do të hidhet në sulm. Florentino Perez nuk do ta kishte aspak problem që të investonte 180 milionë euro, apo edhe më shumë, pasi arkat e klubit madrilen janë të mbushura.
Çuditërisht nëse nuk ia del të paguajë këtë shifër, PSG do të detyrohet të heq dorë nga kampioni i botës me Francën. Kjo ka ngjallur vëmendjen e klubeve më të mëdha të planetit, mes të cilëve Real Madrid. Mbetet për tu parë nëse gjërat do të flasin në favor të madrilenëve, apo sheikët e PSG-së kanë menduar diçka tjetër për të blinduar yllin francez.
