Gazetari Bejdo Malo, i ftuar në “360 Gradë” në “Ora News”, ka komentuar largimin e Ditmir Bushatit nga posti i Ministrit të Jashtëm. Për të, Bushati nuk ka bërë siç duhet punën e tij. Po kështu ai zbuloi se Ambasada Amerikane ka çuar një listë për t’u ndërprerë karrierën disa personave. Gazetari nuk e ka lënë me kaq, duke komentuar edhe raportin e ngushtë mes Bushatit dhe Ramës. Sipas tij, Bushati kishte autoritet ndaj kryeministrit.
“Është i vetmi Ministër i Jashtëm, që ka bërë më keq punën këto 5 vjet, sidomos tre votimet kundër SHBA-së. Mua më duket që Ambasada Amerikane ka çuar një listë për t’u ndërprerë karrierën disave”.
Zheji: Po një qëndrim të Veton Surroit që thotë se shkarkimin e Ditmir Bushatit tek Rama e loboi Hashim Thaçi?
“Nuk dua ta besoj për arsye që Edi Rama midis Hashim Thaçit dhe Ditmir Bushatit, e kam nga dy-tre ministra të LSI-së se cilat ishin raportet midis Ramës dhe Bushatit. Edhe kur ikte jashtë, Ditmir Bushati kishte një autoritet absolut ndaj Edi Ramës. Midis tyre ka pasur një lidhje shumë të thellë”.
