Pas dorëzimit të mandatit të deputetit të ish-ministrit të Brendshëm Saimir Tahiri, opozita është hedhur e gjitha në sulm ndaj tij dhe kryeministrit Rama.
Sapo Tahiri deklaroi dorëheqjen nga mandati i deputetit, ish-kryeministri Sali Berisha, kreu i PD-së Lulzim Basha kërkuan jo vetëm arrestimin e Tahirit por edhe largimin e kryeministrit Rama nga pushteti.
https://tiranatoday.com/basha-rama-koka-e-trafikut-te-droges-tahiri-vegel-e-tij-te-largohet-ndryshe-ska-be/
Sipas tyre, kreu i qeverisë është ideatori i trafikut të drogës dhe se duhet të dorëhiqet sa më parë që t’i hapë rrugë anëtarësimit të vendit në BE, pasi Gjermania dhe Brukseli kërkojnë kokën e Edi Ramës dhe jo vetëm të Saimir Tahirit.
Po ashtu, edhe ditën e sotme, nga selia blu deputeti i kësaj force politike Enkelejd Alibeaj shtroi pyetjen se përse Tahiri po shtëtit i lirë akoma ndërkohë që është pa mandat deputeti.
Alibeaj shprehet se në këto 6 muaj, Edi Rama shkatërroi reformën në drejtësi, duke e rrëmbyer si një kriminel i vërtetë, Prokurorin e Përgjithshëm dhe duke e vendosur nën këmbë Drejtësinë.
Enkelejd Alibeaj: Nuk ia dorëzoi drejtësisë, 6 muaj më parë, duke iu bërë barrikadë me imunitetin. Në këto 6 muaj, nuk ia dorëzoi drejtësisë Saimir Tahirin, më justifikimin se nuk kishte prova dhe ndërkohë shkatërroi çdo provë që do të inkriminonte ministrin e tij të preferuar dhe atë vet. E në fakt si Ponc Pilati, nuk lan dot duart nga këto 4 vjet të kanabizimit të Shqipërisë, të kthimit të saj në Far Ëest-in kriminalitetit shqiptar sado të përpiqet që me skenarë filmash të mashtrojë shqiptarët dhe mbarë botën. E ndërsa teatri mes regjisor ER dhe aktor ST vazhdon të shfaqet në media, ministri i Brendshëm aktual, Agron Xhafaj po vë në zbatim një plan po kaq kriminal sa kanabizimi i Shqipërisë. Ministri gënjen duke bërë fushata nëpër rrethe duke lajmëruar nxjerrjen e Shqipërisë nga harta e drogës, por nuk sheh dhe dëgjon lajmet për tonelatat e drogës Made in Albania në brigjet italiane apo greke.
