Koncerti recital i Elvana Gjatës ka shkaktuar mjaft reagime, përgjithësisht pozitive, por ka pasur edhe nga ato kritike.
Ishte Ledina Çelo ajo që guxoi me kritikën e saj, madje e ironizoi Elvanën te cilës i publikoi një foto, ku shkroi: Pse playback yllo?
Elvana ka zgjedhur t’i injorojë kritikat teksa nuk ka reaguar, ndërsa është shoqja e saj, këngëtarja Besa Kokëdhima e cila është përgjigjur me postime të njëpasnjëshme dedikuar Çelos.
Kokëdhima postoi një video të shkurtër, të shkëputur nga koncerti ku ajo ishte e ftuar, duke shkruar:
“Kjo është nga koncerti i Elvana Gjatës. Nëse kjo nuk është LIVE, nuk e di ç’live ka më shumë se kaq! Dokumentari i bukur “3” tanimë është në youtube. Bravo të gjithëve! Punë fantastikë!”
“Herën tjetër bëj disa gabime qëllimisht sepse në qoftë se këndon shumë mirë atëherë ka diçka që nuk shkon.”
Po kështu ajo postoi edhe këtë foto të Elvanës ku shkroi:
“Punë fantastike! Kështu di të bësh ti! Bravo skuadrës! Nëse ne nuk e vlerësojmë artin e vërtetë, artistët dhe punën e tyre të palodhur, kemi mbaruar si komb!”
