Të gjithë jemi të fiksuar që gjërat që shohim, ose bëjmë, t’i ndajmë me të tjerët në rrjetet sociale.
Madje, disa janë të varur nga ky fenomen, pasi ka nga ata persona që nuk drekojnë pa fotografuar më parë ushqimin dhe pa e publikuar në rrjetet sociale.
Por, pse ndodh kjo? Në fakt ka 4 arsye përse ju jeni të varur nga rrjetet sociale:
1 – Mendoni se mund të krijoni lidhje të reja, me njerëz të cilët kanë të njëjtat interesa me ju. Pra, shpërndarja e fotografive është mënyra më e mirë për të krijuar njohje me persona të ngjashëm me tipin tuaj.
2 – Numri i pëlqimeve ka një rëndësi të madhe te ju dhe ju jep shumë siguri. Kjo sepse sa më shumë pëlqime të merrni, aq më i lartë është vetëbesimi te ju.
3 – Na pëlqen të mendojmë për anët e mira. Prandaj shumë prej nesh, edhe pse nuk bëjnë një jetë perfekte, në rrjetet sociale shfaqen shumë të lumtur.
4 – Ideja e të pasurit një ditar kujtimesh është shumë interesante, prandaj shumë prej nesh postojnë foto të momenteve më të rëndësishme, për të krijuar një “album kujtimesh” në rrjetet sociale.
