Nga: Veenu Manoharan “The Conversation”
Shumica e vaksinave kanë efekte anësore, dhe vaksinat anti-Covid nuk përbëjnë ndonjë ndryshim. Publiku po sigurohet që nëse përjeton ënjtje në krahun ku bën vaksinën, lodhje, dhimbje koke, ethe ose të përziera, këto janë thjesht shenja që tregojnë se sistemi imunitar po reagon siç duhet.
Por kjo ka bërë që disa njerëz të pyesin:nëse është kjo ajo që supozohet të bëjë sistemi imunitar, a do të thotë mungesa e efekteve anësore që sistemi im imunitar nuk është i përgatitur të më mbrojë mua? Jini të sigurt, se kjo nuk do të thotë asgjë të tillë.
Testet klinike të vaksinës të kryera nga kompania Pfizer, tregojnë se 50 për qind e pjesëmarrësve nuk kanë përjetuar efekte anësore të konsiderueshme gjatë provave, e megjithatë 90 për qind e pjesëmarrësve kanë zhvilluar imunitet kundër virusit.
Edhe studimet mbi vaksinën Moderna, thonë se efektet anësore të zakonshme mund të përjetohen nga 1 në 10 persona, e megjithatë vaksina mbron 95 për qind të atyre që e marrin. Kjo mund të shpjegohet duke pasur parasysh mënyrën se si sistemi imunitar zhvillon imunitet mbrojtës ndaj viruseve kur nxitet nga një vaksinë.
Shumica e vaksinave anti-Covid, përfshirë disa nga ato që kanë marrëautorizimin, përdorin një proteinë virale që gjendet në pjesën e jashtme të koronavirusit, e njohur si proteina në formë gozhde, për të imituar një infeksion natyror viral dhe për të nxitur kësisoj një përgjigje imune.
Dega e reagimit imunitar, e njohur si imunitet i lindur, i përgjigjet pothuajse menjëherë proteinës virale. Ajo nis një sulm kundër tij duke filluar me inflamacionin, shenjat kryesore të të cilave janë ethet dhe dhimbjet e trupit. Pra, është përgjigjja imune e lindur ajo që shkakton edhe efektet anësore të zakonshme që njerëzit përjetojnë një ose dy ditë pasi kanë marrë vaksinën.
Kjo dukuri cilësohet edhe si imuniteti i lindur dhe adaptues. Imuniteti specifik afatgjatë, që është edhe synimi përfundimtar i çdo vaksinimi, arrihet vetëm duke aktivizuar degën e dytë të përgjigjes imune:imunitetin adaptiv.
Ky lloj imuniteti, shkaktohet me ndihmën e përbërësve të imunitetit të lindur, dhe sjell gjenerimin e qelizave T dhe antitrupave, të cilët na mbrojnë kundër infeksionit gjatë ekspozimit pasues ndaj koronavirusit.
Ndryshe nga imuniteti i lindur, imuniteti adaptues nuk mund të fillojë pa inflamacion, edhe pse studimet e fundit sugjerojnë se ai mund të kontribuojë në mënyrë të konsiderueshme. Tek disa njerëz, kjo përgjigje inflamatore si nga sistemi imunitar i lindur, ashtu edhe nga sistemi adaptues është e ekzagjeruar dhe shfaqet si një efekt anësor.
Tek të tjerët, edhe pse funksionon normalisht, nuk është në nivele që mund të shkaktojnë efekte anësore të dukshme. Sido që të jetë, krijohet imunitet kundër virusit. Atëherë çfarë e shkakton një përgjigje të ndryshme imune?
Shkencëtarët kanë vënë re se njerëzit mbi moshën 65 vjeç, kanë më pak efekte anësore ndaj vaksinës. Kjo mund t’i atribuohet rënies graduale të veprimtarisë imune të lidhur me moshën. Edhe pse kjo mund të ketë lidhje me nivele më të ulëta të antitrupave, ata ende kanë imunitet kundër virusit.
Një rol mund të luajë dhe gjinia. Në një studim të kryer në SHBA, 79 për qind e raporteve mbi efektet anësore vinin nga gratë. Dhe kjo mund të ketë lidhje me testosteronin. Ky hormon ka tendencën të zbusë inflamacionin dhe rrjedhimisht edhe efektet anësore që lidhen me të.
Burrat kanë më shumë testosteron sesa gratë, gjë që mund të sjellë më pak raportime mbi efektet anësore tek ata. Njerëzit që vuajnë nga sëmundje kronike inflamatore, si artriti reumatoid, sëmundja inflamatore e zorrëve dhe skleroza e shumëfishtë, dhe që janë duke përdorur barna imunosupresive për të kontrolluar simptomat e tyre, mund të përjetojnë më pak efekte anësore për shkak të një përgjigje inflamatore të dobët.
Por edhe pse përgjigjja imune është e dobët, kjo nuk do të thotë se është jo-ekzistuese.
Në një studim të vitit 2020, që krahasoi nivelet e antitrupave tek njerëzit që merrnin ilaçe imunosupresive me ata që nuk merrni barna të tilla, arriti në përfundimin se njerëzit me ilaçe imunosupresive prodhuan nivele më të ulëta të antitrupave, por askush prej tyre nuk kishte antitrupa antivirale.
Efektet anësore të vaksinës, nuk duhet të cilësohen si një mjet matës i efektivitetit të vaksinës. Pavarësisht nga reagimi i larmishëm imunitar ndaj vaksinave, shumica e njerëzve e arrijnë imunitetin ndaj koronavirusit gjatë vaksinimit, pavarësisht nga prania, mungesa apo ashpërsia e efekteve anësore.
Burimi i lajmit: https://theconversation.com/why-some-people-dont-experience-vaccine-side-effects-and-why-its-not-a-problem-159282
Përshtatur nga TIRANA TODAY
