Prej orës 09:00 të mëngjesit, kryeministri Rama ka mbledhur në selinë e partisë Kryesinë e socialistëve. Në qendër të diskutimit është çështja e postit të ministrit për Europën dhe Punët e Jashtme, pasi Presidenti Meta refuzoi emrin e Gent Cakajt.
Po kështu, gjatë mbledhjes pritet të diskutohet edhe për zëvendësimin e Erjon Braçes te Komisioni i Ekonomisë, Eduart Shalsit te Veprimtaria Prodhuese, por edhe Spiropalit dhe Çuçit, pasi u emëruan ministra. Kjo është hera e parë që socialistët mbledhin Kryesinë e partisë për këtë vit.
