Është larguar sot në mëngjes flamuri kuq e zi te rrethi afër spitaleve në Prishtinë. Më pas në vend të tij është vendosur një flamur tjetër me ngjyra të kuqe dhe të verdhë, i cili ngjasonte me një flamur te garave automobilistike.
Një grup qytetarësh dhe pjesëtarë të policisë janë grumbulluar pastaj në këtë vend, ndërsa flamuri kuq e verdh është larguar nga shtylla. Zëdhënësja e Komunës së Prishtinës Miranda Mullafazliu tha se një njeri i panjohur e ka hequr flamurin-shkruan Kallxo.
“Nje njeri i panjohur sipas informatave qe kemi paska hy me kamion dhe e ka nderruar flamurin kombetar me atë qe po shihet verdh e kuq”, tha Mullafazliu.
Ajo tregoi se flamuri kuq e zi është marrë nga njeriu që e hoqi atë. “Tashmë policia së bashku me inspeksionin e punës janë në terren e kanë hapur rastin. Personi e ka marrë flamurin me veti”, tha Miranda Mullafazliu.
Zyrtarë të Policisë së Kosovës ishin të paqasshëm për të folur rreth heqjes së flamurit. Aktualisht, shtylla te rrethi nuk ka ndonjë flamur të vendosur
