Protestuesit e “Astirit” kanë shpalosur pankarta të ndryshme para zyrës së Erion Veliajt, ndërsa kundërshtojnë prishjen e banesave të tyre.
Banorët e zonës së “Astirit”, banesat e të cilëve preken nga projekti i “Unazës së Madhe”, e kanë zhvendosur këtë të hënë protestën e tyre përpara Bashkisë së Tiranës.
Janë 317 objekte që do të preken nga ndërtimi i “Unazës së Madhe”, dhe 163 prej tyre që janë në proces legalizimi do të skualifikohen nga ALUIZNI.
Banorët kundërshtojnë prishjen e banesave pa ua legalizuar më parë, në mënyrë që të kenë të drejtën e dëmshpërblimit.
Ata kanë shpalosur një parullë të madhe ku shkruhet: “Fuqia e njerëzve, më e madhe se njerëzit në fuqi”.
https://tiranatoday.com/banoret-e-astirit-perplasen-me-policet-para-bashkise-po-na-provokoni/
