Në ditën e dhjetë të protestës së studentëve, këta të fundit kërkojnë me ngulm që t’u plotësohen 8 kërkesat. Përndryshe, protesta do të përshkallëzohet në një protestë kombëtare.
Kështu, studentët bëjnë thirrje për një seancë të jashtëzakonshme teksa kërkojnë që parlamenti të mblidhet sërish nesër e të miratojnë 8 kërkesat e studentëve.
“Nëse s’thirret parlamenti, do të zhvillojmë protestë kombëtare”, kanë kërcënuar studentët. Ata vijojnë të qëndrojnë para Kryeministrisë, në ditën e 10 të protestës, ndërsa nuk pranojnë të dialogojnë me kryeministrin.
