Protesta studentore sot do të zhvendoset para Kuvendit. Të gjithë studentët bashkërisht, të cilët nuk kanë të ndalur me protestën e tyre në ditën e nëntë të saj, pjesë të “agjendës” kanë edhe zhvendosjen para Parlamentit.
Protesta studentore do të spostohet nga Kryeministria dhe Ministria e Arsimit përpara Kuvendit të Shqipërisë, në orën 10:00, në kohën kur do të fillojë edhe seanca plenare e javës.
Grumbullimi i studentëve do të bëhet nëpër fakultetet e tyre, në orën 08:30 deri në 9:30. Në 9:30 do të nisë marshimi drejt Parlamentit.
Por, studentët kanë vendosur edhe një kusht për pjesëmarrësit. Ata duhet të ruajnë qetësinë dhe të protestojnë paqësisht.
“Protesta duhet të vazhdojë paqësisht, deri në mbarimin e seancës parlamentare dhe sapo seanca të përfundojë, do të përshkallëzohet tek Kryeministria. Studentët e kanë vendosur”, thuhet në përfundim të njoftimit.
